Max Factor Makeup Brushes Review

Козметиката на Макс Фактор многу ја сакам, ама никогаш порано немав користено четки од нивниот бренд. Изработени се од природни влакна што ги прави одлични за нанесување прашкасти производи. Четкиве ги користам повеќе од 5 месеци па ако ве интересира што мислам за нив продолжете да читате.

Max Factor eyeshadow brush - Најдобрата четка што некогаш ја имам коростено за сенка! Ја нанесува многу прецизно сенката, одлична е и за прецизно сенчање на сенката затоа што влакната се многу меки и кратки. Не ми ги рони ниту оштетува сенките како некои други четки. Во однос на одржување, ја чистам со обичен децки шампон и ја мијам со млака вода, ниедно влакно не е паднато и четката е во иста состојба како првиот ден кога почнав да ја користам. Ја препорачувам да ја пробате вреди за секој денар.

Max Factor Powder Brush - Оваа е една огромна четка, се користи за камена пудра и исто така е изработена од природни влакна. За мој вкус е искрено дури преголема и влакната се погруби за разлика од четката за сенка, ама ефектот што го дава на лицето е одличен. Камената пудра не изгледа "брашнесто" туку баш убаво се соединува со останатата шминка на лицето.
Лесно се чисти, во првите миења и опаднаа неколку влакна и од четката излезе црна боја, ама повеќе немам таков проблем. Дршката му е по кратка што ми се допаѓа и е доста тешка и дебела и изгледа многу квалитетно. Самата четка е многу голема и со тоа овозможува побрзо нанесување на пудрата. Пудрата најдобро е да се нанесува со тапкање за подобар ефект, а не со кружни движења за да не се оштети останатата шминка (течната пудра, руменило, хајлајт итн.)

Max Factor Lip Brush - Ова е четка за прецизно нанесување на кармин, ми беше чудно на почетокот што и оваа четка е од природни влакна, до сега за ваква намена имав користено четки со синтетички влакна. Формата е одлична, и многу прецизно го нанесува карминот, премногу лесно се чисти за разлика од другите четки што ги имам за кармин.
Четкава секогаш ја носам со мене во чанта, има и метален капак за да ја затвориш после употеба па многу е практична. Ако сакате професионално нанесен кармин четкава е "must have"  во вашиот несесер.