Don Juan Lipstick Review

Бев многу скептична во врска со карминиве и на крај испадна да купам дури 7. Се работи за кармините на Don Juan, има во мат и сјајна текстура.

Одлично се пигментирани, не ги сушат усните и се солидно долготрајни, а цената е смешна.

Имам 4 матт и 3 со сјајна текстура, во текстот подолу како сум задоволна од овие кармини.

Don Juan Matte Lipsticks

Обожавам мат кармини, и имам многу од различни козметички брендови. Пигментираноста на овие кармини варира од нијанса до нијанса, некои се многу пигментирани некои по слабо.

Текстурата им е по сува па по тешко се размачкуваат, ама се многу долготрајни и стојат на усните неколку часа. Што е најважно ни најмалку не ги сушат усните. Јас сум задоволна за квалитетот што го добивам за таа цена, и би купила уште нијанси. На сликите подолу можете да ги видите нијансите.

Don Juan 305 Matte - Класична бордо нијанса, одлично пигментирана и многу долготрајна.

Don Juan 306 Matte - Преубава темно лилава нијанса, ама за жал најмалку пигментирана и со ептем сува структура, па многу тешко се размачкува. Бојата е многу слична со Mac Heroine карминот.

Don Juan 311 Matte - Оваа нијанса ја користев многу кога бев плава и ми се допаѓаше сега ја мешам со потемно моливче за усни за да добијам нешто како "ombre " ефект. Убаво е пигментирана и бојата е многу долготрајна.

Don Juan 32 Matte -   Омилена нијанса, летово ми беше "must have" , оваа е преубава корална нијанса совршена за пролет и лето. 

 Don Juan Water Shine Lipsticks - Овие се со многу сјаен завршеток, изгледаат одлично на усните, имаат многу мека структура, многу лесно се размачкуваат и  одлично се пигментирани. Иако сум повеќе љубител на мат кармини овие ми се одлични за секојдневно користење, или за некои по специјални пригоди. Многу лесни на усните и солидно трајни.
Ги препорачувам да ги пробате.

Don Juan Lipstick Water shine 610 - Преубава класично црвена нијанса, изгледа прекрасно и на девојки со посветла кожа и со потемна. 

Don Juan 604  Water Shine - Преубава "nude" нијанса со розев подон, иако е светла оваа е една многу пигментирана нијанса. 

 Don Juan 611 Water Shine Lipstick -  Кармин во боја на вино, не е баш класично бордо нијанса, темно црвена изгледа преубаво.

Карминиве се со цена од 100-150 ден во зависно од продажното место. Мене ми се супер за таа цена и ви ги препорачувам да ги пробате, затоа што се со добар квалитет за таа цена.