Makeup Revolution Flawless Matte 2 Review

Како што веќе знаете Makeup Revolution ги имаме во Македонија и јас веќе пробав мал дел од нивните производи. Најмногу се израдував на Flawless Matte 2, се работи за палета со 32 мат сенки во неутрални и во поладни и потопли нијанси.

Во Македонија е тешко да најдеш палета со мат нијанси особено по пристапна цена и добар квалитет. 

Во оваа палета добивате 32 мат сенки, ама интензитетот т.е. пигментираноста зависи од нијанса до нијанса. 

Светлите нијанси се послабо пигментирани а потемните се со одличен квалитет и многу лесно се сенчаат една со друга.

На допир се по тврди и не се ронат многу при нанесување. Омилена и најкористена ми е втората страна од палетата особено црвенкастите нијанси.

Пред да ги нанесам светлите нијанси прво нанесувам бело моливче на капакот па добивам одлична пигментираност. Палетава ми е прекрасна и многу често ја користам, има многу нијанси па одлична е како за дневен така и за вечерен изглед.

Ако сте љубители на мат нијанси особено во вакви розефкасти, лилави, неутрални и црвенасти нијанси оваа палета многу ви ја препорачувам.
Често ги користев и без база за сенка и многу сум задоволна од долготрајноста, сенките не ми се собираа на капакот иако имам мрсна кожа. 

Паковањето е класично за Makeup Revolution црно пластично паковање, на горната страна е испишано логото од брендот. Ми се допаѓа што во самата палета има огледало. Единствен минус е што пластиката е сјајна па после некое време изгледа неуредно затоа што секој допир се познава.

Можете да ја најдете во сите продажни места на Golden Rose козметика.

Цена 795 ден.