Catrice HD Liquid Coverage Foundation Review

Пудрава едвај чекав да ја донесат кај нас, затоа што беше една од омилените меѓу блогерките плус има мат финиш па тоа уште повеќе ме привлече.

Да почнам од самото паковање, изгледа многу луксузно. Изработено е од квалитетно дебело мат стакло и на самиот врв има пипета за дозирање. Иако изгледа многу привлечно, јас повеќе преферирам пумпичка затоа што со пипетата на почетокот имав малку проблем при дозирање, ама со тек на користење се навикнав како полесно да ја користам.

Текстурта на пудрата е многу течна,  ова е првата пудра со ваква текстура. Баш поради таквата текстура на лицето не дава тешко чувство, него баш напротив изгледа и се чувствува како втора кожа.

Иако има ретка текстура, покривноста која ја дава на лицето е одлична.
Со еден слој дава средна покривност и изгледа многу природно на лицето, со 2 слоја дава потполна покривност без да се чувствува тешко ама се познава на лицето.
Дава потполно мат финиш јас дури и не ни користам камена пудра за фиксирање. Ја нанесувам со хидратантна крема и хидрирачка и измазнувачка база за лице (Max Factor Miracle Smooth) и трае се додека не ја избришам шминката. Исто така имам многу мрсна т-зона ама мат ефектот што го добивам од оваа пудра трае цел ден. Ја имам носено од 10 до 23 часот и после толку часа не беше избришана од лицето.
Може да се најде во само 4 нијанси, меѓу кои ако сте со премногу светол или средно темен тен нема да се пронајдете.
Јас ја користам најсветлата нијанса 010 light beige, светла нијанса со жолт подтон ама морам да напоменам дека во текот на денот оксидира.

Позитивни страни:
* Одлична покривност
* Долготрајна
* Ниска цена
* Не се пренесува на телефон, облека итн.
* Не се чувствува тешко на лицето
* Изгледа природно

Негативни страни:
* Мал избор на нијанси
* Оксидира

*На фотографијата имам нанесено само од течната пудра, бронзер и руменило. Фотографијата не е едитирана.

Мене оваа пудра многу ми одговара и ќе продолжам да ја користам, дури ми се допаѓа многу повеќе од Revlon ColorStay (која што ми беше омилена течна пудра многу долговреме).
Ако ја гледаме цената и квалитетот што го има, можам слободно да кажам дека оваа пудра е една од најдобрите "drugstore " течни пудри што ги имам користено.

Топло  ви ја препорачувам да ја пробате оваа течна пудра особено ако имате комбинирана/мрсна кожа, ако  имате сува кожа мислам дека нема да ви одговара затоа што е со многу мат финиш и ги истакнува сувите делови од лицето.

Можете да ја најдете во сите продажни места на Catrice Cosmetics. Цена 450 ден.