Make up Revolution Radiant Light Review

Јас сум зависна од хајлајтери и ги купувам често. Ги користам секојдневно без разлика дали имам нежна секојдневна шминка или по драматична. Имам неколку и ги комбинирам зависно од тоа дали сакам по интензивен или по нежен сјај.
Денес ќе читате за хајлајтерот на Makeup Revolution Radiant Light во нијанса Exhale  а што мислам за него ќе прочитате во текстот подолу.

Хајлајтерот е спакован во розево/златна хариена кутија, во кутијата се наоѓа самиот хајлајтер кој што е спакован во прекрасно пластично паковање со огледало во внатрешниот дел. Самото паковање е изработено многу квалитетно и изгледа баш луксузно. За цена од 295 ден добивате 12г производ што е многу поволно.

Текстурата на допир е тврда па затоа ви препорачувам овој хајлајтер да се нанесува со четка со по тврди влакна за да се добие што подобар ефект.

Самата нијанса е светла и ладна нијанса, одлично одговара на девојки со светол тен. На лицето дава нежен здрав сјај самата тектура не содржи светки што го прави одличен за секојдневно користење без притоа да изгледа нападно, плус лесно се надоградува ако сакате бојата да биде поинтензивна. Мене ми е прв избор за секојдневно користење, многу ми се допаѓа тој нежен ненападен сјај што го добивам со само еден слој.

Ми се допаѓа што е долготраен, па и после неколку часа немам потреба од поправка. Јас често го користам и како сенка и го нанесувам на капакот и под веѓите за да ги истакнам.

Ако сте во потрага по квалитетен хајлајтер а не сакате да издвоите едно мало богатство на него топло ви го препорачувам да го пробате овој од Makeup Revolution затоа што има одлична цена и голем квалитет.