Estee Lauder Double Wear Foundation Review

Денес ви пишувам за една многу популарна течна пудра, се работи за течната пудра на Estee Lauder Double Wear.
Пудрава ја имам веќе подолг период и не изнесов веднаш мислење затоа што сакав да видам каква трајност ќе има и на потопло време кога кожата ќе ми биде многу по мрсна. На почетокот имав многу поделени мислења за пудрава и не бев сигурна дали би ја купила повторно ама го променив мислењето а зошто ќе прочитате во постот подолу.


Ако имате комбинирана/мрсна кожа и ви треба пудра што ќе ви трае цел ден без никаки поправки, ова е течната пудра за вас.
Прекрива одлично. Јас за дневен изглед нанесувам тенок слој и изгледа многу природно, прекрива црвенило и изедначува тен.
Кога сакам поголема покривност нанесувам 2 слоеви.
Има многу течна структура па потребно е брзо да ja нанесете затоа што брзо се суши/фиксира и после е невозможно да ја размачкате. Со еден слој дава некој полу мат финиш, не изгледа суво него баш по природно, далеку од тоа дека не се познава дека имате пудра ама сепак изгледа многу убаво на лицето. Не се пресликува на облека, телефон итн. Цел ден не се брише од кожата дури по 8-9 часа благо засветнувам на т-зоната.

Паковањто е преубаво, изгледа баш луксузно. Најголем минус е што нема пумпа за дозирање, па најчесто завршувам со премногу производ а со тоа и побрзо се троши, а се работи за прилично скапа пудра.

На почетокот никако не ми се допаѓаше ефектот, затоа што многу ми ги истакнуваше порите, изгледаше суво па затоа со оваа пудра мој совет е обавезно да нанесете подлога затоа што многу ги истакнува порите и сувите делови од лицето. Јас ја користам луми подлогата на Голден Роуз, ми давај сјај на кожата и ги пополнува порите, па потоа самата пудра одлично "легнува" на лицето и изгледа многу по убаво.


На фотографијата подолу можете да видите како стои пудрата на лицето, како што можете да забележите пегите се потполно покриени.
*Фотографијата не е едитирана.

Позитивни страни:

• Одлична покривност
• Премногу долготрајна
• Многу избор на нијсани
• Не се пресликува на телефон или облека
• Изгледа природно на кожата

Негативни страни:

• Нема пумпичка за дозирање
• Цената
• Ги истакнува сувите делови од лицето и порите

(Јас ја имам нијансата Ecru 1N2 со изразен жолт подтон)

Мене ми е одлична пудра, ја користам само за некои по специјани прилики, за дневен изглед ја користам многу ретко само кога сум цел ден надвор па ми треба течна пудра што ќе ми трае цел ден. Дали би ја купила повторно? Можеби. :)