Sunday, November 15, 2015

Real Techniques Core Set Review


Денес ќе ви пишувам за четките на Real Techniques. Го имам почетниот сет, плус четката за руменило.
На интернет има многу рецензии и скоро сите беа позитивни па морав да ги имам. Јас ги купив преку онлајн шопинг од www.iherb.com.
Сетото содржи 4 најосновни четки, и сите се изработени од синтетички влакна и се ектремно меки. Ги имам миено скоро после секоја употреба особено тие за течна пудра и до сега нема паднато ниту едно влакно, и многу се лесни за оджување.
Исто така со сетот има и паковка за чување на четките, многу е корисна за во случај на патување, плус собира повеќе од 4 четки.






Buffing Brush : Сетот најмногу го купив поради оваа четка. Оваа е наменета за камена пудра, ама јас ја користам за течна мислам дека за таа намена е подобра. Убаво ја разнесува пудрата, и доволно е мало количество за цело лице. Јас сум повеќе љубител на тие што се со скроз рамен врв, затоа што ми даваат многу поголема покривност. Ама и оваа четка ми е одлична особено за денови кога сакам по природен изглед.




Pointed Foundation Brush : Оваа ми е омилена четка во сетот, на самата дршка пишува дека  е за течна пудра ама многу е мала за таа намена, па затоа ја користам за нанесување на коректор под очите. Ефектот е повеќе од одличен, ниедна четка не ми дава толку голема покривност, плус не прави линии и е премека па ни најмалку не ми ја иритира кожата на лицето.





Detailer Brush : Како што гледате на сликава четкава е премала, ја користам околу устата, за да го отстранам вишокот на кармин и под веѓите за хајлајт. Некогаш со оваа четка нанесувам и кармин. Друга намена неможам да и најдам затоа што е премала. Квалитетот и е добар и лесна е за одржување.




Contour Brush : И оваа е една предобра четка, многу е прецизна и одлично го нанесува бронзерот под јаболчниците, а воедно и одлично го бленда затоа што е со кос врв. Имам користено неколку четки за контур, ама ниедна не ми била подобра од оваа. Особено ако сте почетник во шминкање вреди да ја имате.




Blush Brush : Ова е дефинитивно една од најслатките четки што ги поседувам. Наменета е за нанесување на руменило, како што гледате на сликава четкава изгледа огромно и и јас неможев да замислам да ја користам за руменило, за таа намена секогаш користев по мали четки и со по груби влакна. Има најразлични критики на интернет, ама мене лично ми е предобра, и не би ја заменила за никоја друга. Многу прецизно го нанесува руменилото, и потребна е многу мала количина. Јас ја препорачувам вреди за секој денар. До сега ја имам миено неколку пати и ни најмалку не е оштетена.


Јас го препорачувам сетов, особено ако си почетник во шминање и ти требаат само најосновните четки. Плус цената му е баш приступна за сите. За таа цена мислам дека се сосема солидни, некои од четките се многу добри некои се просечни. Ама за таа цена не верувам дека ќе најдете нешто подобро.

1 comment:

  1. Nice post

    Love Vikee
    www.slavetofashion9771.blogspot.com

    ReplyDelete