Monday, August 17, 2015

Macedonian Fashion bloggers suggest: Top 9 drugstore foundations+ mini reviews

Во соработка со Македонските Модни Блогерки објавив пост за нивните омилени коректори (постот можете да го прочитате ТУКА), постот имаше многу прегледност и затоа се одлучивме за уште еден таков пост, само што денес ќе ги објавиме нивните мини рецензии за омилената течна пудра.



1.
 Александра Трпеска
21 година
Блог: https://fashionlabdna.wordpress.com/
















Maybelline Affinitone Mineral - e лесна пудра за чувствителна сува и нормална кожа. Пудрата е богата со пигменти од микро минерали и дава приоден изглед.  Трае околку 6 часа и покривноста е средна,  но дотолку сакате да ви трае повеќе од 6 часа и за поголем мат ефект мора да употребите и камена пудра.  Пакувањето е во стаклено шишенце со пумпа и капаче што спречува секаков неред или непотребно “искористување’’ на пудрата. Поради посветол пигмент јас ја користам Sand 30. Пудрата ќе продолжам да ја користам поради нормалната цена и поради тоа што моето лице изгледа приодно и свежо со неа.  Оцена 5/4




2.

Марина Христовска
26 Години
Блог: http://maramasplace.blogspot.com/















    Max Factor Facefiniti 3 in 1
Наоѓање на совршена пудра за масна кожа е навистина тешко, особено на лето. Овој пат можам да кажам дека најдов одлична пудра за мојата кожа. Max factor создал совршена пудра која во себе има прајмер, коректор и пудра, а има и заштитен фактор од сонце SPF 20. Не е тешка пудра, има воденаста структура, а покривноста е средна, но со втор слој е целосна. Останува на лице во одлична состојба минимум 6 часа без да блесне Т- зоната, а ако се фиксира со камена трајноста е поголема. Не е мат, има некој полумат финиш кој изгледа многу природно барем на мојата кожа. Она што многу ми се допаѓа кај пудрава е што не се пресликува на гардероба или мобилен.
Редовната цена е 820 денари, но често е на попуст, а добивате 30 мл. 
Има пет нијанси кои се достапни кај нас, а јас ја користам најтемната 75 – Golden. Нијансите не се темни и секој би можел да си најде слична на својот тен.  Ја препорачувам!
Оцена: 10/10

3.

Сара Ацевска
22 години
Блог: http://sarasimplified.com/


Loreal infallible 24H е мојата омилена пудра во последната година. Јас сум девојка која многу ретко користи пудри, бидејќи не го сакам чувството на пудра на моето лице. Оваа пудра е лесна, иако има одлична покривност. Уште едно нешто што многу ми се допаѓа е што е трајна, без проблем стои цел ден на моето лице. Јас имам комбинирана кожа, која изгледа свежо, и пудрата стои дури и ако не ставам камена пудра врз неа, што е огромен плус.
Цената на пудрата и е околу 850-870 денари, честопати е и на попуст, па варира во зависност од продажното место. Од мене има оцена 9/10.

4.


  Сања Велковска
  27 Години
  Блог: http://sanjaburgundy.blogspot.com/


















Иако не користам многу пудра во летниот период, сепак за некои вечерни или свечени излегувања ми е навистина потребна. Заради топлото време, не сакам пудри со тешка формула и висока покривност. 
Имам користено и други пудри на Maybelline, но овој пат се одлучив за Fit Me Dewy + Smooth Foundation. Ја одбрав нијансата 220 Natural Beige која е потемна од онаа што најчесто ја користам, но одлично одговара бидејќи овој период имам потемнет тен. 
Преку лето имам и многу повеќе пеги од вообичаено и потребна ми е пудра која ќе ми го изедначи лицето. 
Пакувањето на 'Fit me' е едноставно, стаклено шишенце од 30ml и производот може да се нанесе со пумпица. 
Оваа пудра има гел формула, па затоа лесно се нанесува и изгледа многу нежно и природно, иако при нанесувањето може да делува многу тешко и густо. 
На прв момент може и да не изгледа како да се совпаѓа со тенот, но многу брзо успешно се адаптира и го изедначува. 
Мојата нијанса е со портокалов подтон, на што не можам да се навикнам, но од истата линија оние кои завршуваат со бр.5 се со розев подтон.
Пудрата има средна покривност, а ја препорачувам за сува и нормална кожа, затоа што откако ќе се нанесе, има дискретен сјај, па не би одговарала на оние со мрсна и комбинирана кожа. 

5.


Алмира Качар
20 Години
Блог:  http://styletornado95.blogspot.com/



















Отсекогаш, најтешкиот дел ми бил изборот на пудра,  која ќе ми одговара целосно. Имам нормална кожа, но сакам исклучиво полесни пудри, кои ќе го изедначат убаво тенот и ќе имаат добра трајност. По доста грешни избори, сосем случајно, ја забележав оваа пудра на Римел Лондон,Wake me up, пред година дена. И од тогаш не сум ја сменила. Прво ми се допаѓа практичното шишенце, кое патем е стаклено и со пумпичка. Потоа ми се допадна што не е воопшто тешка, убаво го изедначува тенот и е доста трајна, поготово сега во летниот период кога е многу топло. Има лесна текстура и доволна е мала количина за да се размачка на цело лице. Има дискретни светки, кои мене ми се допаѓаат. Не се нападни, но го освежуваат лицето дополнително. Исто така содржи и заштитен фактор 15-ка што е уште еден голем плус на оваа пудра. 
Кај нас се достапни 5 нијанси на бои, а јас си ја одбрав мојата идеална, 203-True beige.


6.



Илина Пејоска
 24 Години
Блог: https://ilinadesigns.wordpress.com/





MATTE MAGIQUE by L’oreal
До пред една година многу ретко користев пудра, освен за вечерни излегувања и посебни прилики. Причината за тоа е поради тоа што не сакам да се чувствувам како да имам еден тон тежина на лицето. Пудра која ми оставила најголем впечаток е Matte Magique на L’oreal, затоа што делува лесно на лицето и трае долго. Има многу добра текстура, која е доволно густа да покрие се што сакаме да покриеме, а сепак не делува како да сме се намачкале со паштета, па тоа ја прави добра за користење и за дневни излегувања. Мислам дека е најдобрата пудра на пазарот воопшто! Лицето добива совршен, мазен финиш  -  се добива изглед на барбика.
Не ја знам точната цена, бидејќи ја купив сосема случајно кога купував маскара, па двата производи беа со една заедничка цена. Мислам дека не е повеќе од 500 денари.



7.

Стефани Цветковска 

21 Година
Блог: http://corleonka.blogspot.com/























  Течната пудра Deliné содржи витамини А, Е и В6. Одлична е за сите типови кожа и ја има во повеќе нијанси, мојата е во број 3. Добра страна е што ја хидрира кожата, но нема голема покривност. Заедно со некој коректор изгледа одлично. Не е тешка и не го затвара лицето. Може да се купи во секоја парфимерија. Оценка 9/10


















8.
Анастасија Чавадарова
14 Години
Блог: http://theglamorousb.blogspot.com/


















Без двоумење, тоа е Seventeen Time Plus пудрата.Дава одлична покривност, лесна е, и доаѓа во пластично шишенце од 35ml.Прелесно се нанесува и со четка за пудра и со сунѓер, иако преферирам да ја нанесувам со четка за камена пудра. Препорачувам!
  
9.

Азизе Демиши 19 Години Блог: http://rosee96.blogspot.com/














Моја омилена пудра за периодов е пудрата од Seventeen Matt Plus. 
Пудрата има спф 20,  нуди средна до висока покривност, долготранја е и дава 100% мат ефект што ја прави идеална за комбинирана/мрсна кожа.
Доста е течна и брзо се суши, па треба побрзо да се нанесува, во однос на нанесувањето имам пробано и со сунѓер за течна пудра и со четка, и со четка се добива подобар ефект и поголема покривност а со сунѓер по дневен по природен изглед. На почеток има полумат финиш кој потоа станува 100% мат, па нема потреба од камена пудра. Мене ми е трајна и ми стои матт долго време ама ако имате многу мрсна кожа мислам дека по неколку часа треба да се фиксира со камена пудра.
Достапна е во 9 нијанси, а во Македонија има само 6, јас ја имам најсветлата 01 beige која што е баш неутрална нијанса ни премногу жолта а ни розева.












5 comments:

  1. Ти благодарам што сум дел од овие рецензии :*

    Sanja's Burgundy Blog
    Sanja's Burgundy Blog on Facebook

    ReplyDelete
  2. Постот е одличен, ти благодарам што ни даваш ваква можност за заеднички постови <3

    http://corleonka.blogspot.com/

    ReplyDelete
  3. Great post

    Love Vikee
    www.slavetofashion9771.blogspot.com

    ReplyDelete
  4. Предобри се рецензииве и ја имам пробано твојата и пудрата на Корлеонка, ама моментално мене ми е најдобра Mac Studio Fix Fluid и еве би ја искористила приликава да ја препорачам на сите што скаат пудра со голема покривност, а сепак изгледа природно и свежо, секако во комбинација со камената Mac Studio Fix Pouder!

    http://christinearabela.blogspot.com/

    ReplyDelete
    Replies
    1. Kamenata pudra bash bi sakala da ja probam imase mnogu dobri komentari :)

      Delete