Avon True Color Duo eyeshadow palette + Look

Никогаш порано немав користено сенки на Авон, па кога ги добив овие бев пресреќна особено затоа што и нијансите се одлично погодени на мојот стил на шминкање, а и не се пренапрадни за секојдневно користење.



Веројатно скоро сите знаете како изгледаат, па нема да пишувам многу за нивното паковање. Само морам да напоменам дека многу ми се допаѓа, изработено е од квалитетна пластика и е во црна боја, па изгледа многу убаво.

            

 

Палетата што ја имам јас е во Warm Chasmire . Оваа палета нуди 2 сенки, една во посветла и една во потемна нијанса. Посветлата е преубава шампањ боја, а потемната бронзена. Одлично би стоеле и на сини, зелени и на кафеави очи.
Имаат многу мека, свилена структура и не се ронат во нанесувањето. Во однос на пигментираност не е толку колку што би сакала да е особено посветлата нијанса, ама со добра база за шминка тоа може да се поправи.

Трајноста не е на некое завидно ниво без база, јас што имам многу мрсни капаци ми траат максимум 1 час. Но со база траат цел ден.

Јас ги препорачувам, особено затоа што често пати можат да се најдат и на некој попуст, одлични се за секојден, а и за некоји посебни пригоди.