Revlon ColorStay Review

Периодов премногу се зборуваше за пудрава, скоро секоја другарка ја имаше пробано а и по форуми имаше најразлични искуства.
Иако имам многу пудри, некако се решив да ја купам и после долго користење решив да споделам и јас мислење.

Пудрава е спакована во стаклено шише од 30мл и е без пупма, што е голем минус. Иако изгледа како квалитетно стакло, незнам дали би издржало и најмал пад.
Структурата е поводеста,па не е потребна голема количина да се покрие цело лице.

Кога прв пат ја нанесов очекував преголема покривнист буквално да не можам да си ја препознам кожава затоа што имаше такви коментари. Ама не, кај мене имаше средна покривност (а немам проблематична кожа), за мене тоа е плус затоа што сакам кога можам да си ја видам сопствената кожа а да имам нанесено пудра на мене, и плус не се осеќа тешко на лице, барем не кај мене.
Друго премногу позитивно е нијансата, буквално ми е како моја кожа (ја имам 150 buff) , преприродно изгледа на кожата и што е најважно не оксидира.
Пробав да ја нанесувам со прсти, сунѓерче за пудра, четка за течна пудра и одлично изгледаше на сите начини а и покривноста беше скоро иста.

Пудрава ја има и за нормална/сува и за нормална/комбинирана кожа, јас ја зедов за сува кожа и одлично ми изгледа на кожата, иако имам мрсна т-зона не ми ја мрси дополнително и дури и немам потреба за камена пудра. Најмногу што ми се допаѓа е трајноста, пред да ја пробам  никогаш немаше да верувам дека некоја пудра може да трае толку долго. Јас ја нанесувам на сабајле и некогаш не ја бришам цел ден, пудрата ми стои како штотуку нанесена, и најбитно се фиксира на лицето и не се лепи/пренесува на облека.
На интернет имаше многу коментари дека предизвикува акни на кожата. На почетокот имав и јас ист проблем лицето ми се нафрла премногу, и дури сакав и да престанам да ја користам. Направив пауза по некое време и и дадов втора шанца, и повеќе немав таков проблем па продолжив да ја користам, ама ако имате кожа со акни, ова би можело да представува проблем.

На сликиве е пред и потоа со пудрава, и гледате колку природно изгледа. Сликите не се обработани.
Јас сум премногу задоволна, и ја препорачувам затоа што мене одлично ми одговара на кожата, не ми ги истакнува сувите делови на лицето а и не ми ја мрси дополнително мрсната т-зона, кога би била и цената малку пониска се би било одлично.